Vinisius “Real” tarixiga kirdi
Sport
−
23 yanvar 951
Braziliya terma jamoasi va “Real Madrid” klubi vingeri Vinisius Junior klub safida o‘zining 100-golini urdi. YeCHL doirasida u “Zalsburg” darvozasiga 2 bor gol kiritdi.
23 yanvarga o‘tar kechasi Yevropa Chempionlar ligasi 7-turi doirasida “Real Madrid” o‘z uyida “Zalsburg”ni qabul qilib, yirik 5:1 hisobida g‘alaba qozondi. Uchrashuvda Vinisius Junior o‘z hisobiga dublni rasmiylashtirdi. Braziliyalikning ikkinchi goli muhim voqea bo‘ldi.
U klub safida umumiy o‘zining 100-golini kiritdi. Bu natija uchun Vinisiuch 291 ta o‘yinda maydonga tushdi. 25 yoshli futbolchi “qirollik klubi” tarixida 100 ta gol urishga muvaffaq bo‘lgan 23-futbolchiga aylandi. Shundan 13 nafari ispaniyalik, qolgan 10 tasi xorijlik futbolchi sanaladi.
Eslatib o‘tamiz, avvalroq, Vinisius YeCHLning hafta futbolchisi bo‘lish uchun da’vogarlar qatorida qayd etilgan edi.
Live
Barchasi
