O‘zTestda katta o‘g‘rilik yuz berdi

3-sahifa

−

08 iyul 2025 visibility34057 timer1 daqiqa

“Otning kallasidek” oylik olgan O‘zTest direktori lavozimidan “uchdi”

O‘zbekiston texnik jihatdan tartibga solish agentligining “O‘zbekiston ilmiy-sinov va sifat nazorati markazi davlat muassasasi” (O‘zTest) davlat muassasasining Buxoro viloyat hududiy filialida katta o‘g‘rilik qilindi. Bu haqda O‘zA xabar berdi.

Qayd etilishicha, Germaniyadan O‘zbekistonga olib kelingan 3 dona sinov laboratoriya jihozining biri tag-tugi bilan yo‘qolib qolgan. Hududiy filialda 1 tonna 200 kilogramm va umumiy narxi 150 million so‘m miqdorida bo‘lgan “Tormoznoy stend” sinov uskunasi hamda 250 million so‘mlik gaz balonlarni o‘lchash vositasi o‘g‘irlangan.

Shuningdek, O‘zTestda 6 milliard so‘m mablag‘ maqsadsiz sarflab yuborilgan.

Tashkilot matbuot xizmati hozircha rasmiy munosabat bildirmadi.

Eslatib o‘tamiz, avvalroq O‘zTest elektromobillar tekshiruvi bo‘yicha video e’lon qilgan blogerni jazolattirmoqchiligi xabar qilingandi.

Maqola muallifi