O‘zbekistonning Turkmanistonga qarshi asosiy tarkibi e’lon qilindi

Bugun, 2 sentyabr kuni Toshkentdagi “Olimpiya” stadionida CAFA Nations Cup 2025 musobaqasining A guruhi doirasida O‘zbekiston va Turkmaniston terma jamoalari o‘zaro kuch sinashadi. Uchrashuv davomida maydonga tushadigan O‘zbekiston terma jamoasining tarkibi e’lon qilindi.

Ma’lumot uchun, CAFA Nations Cup 2025 musobaqasida 8 ta milliy terma jamoa ishtirok etmoqda. O‘yinlar Toshkent va Tojikistonning Dushanbe shahrida bo‘lib o‘tadi. 

Guruhda 1-o‘rinni egallagan jamoalar 8 sentyabr kuni finalda to‘qnash keladi.

O‘zbekiston va Turkmaniston o‘rtasidagi o‘yin soat 19:30 da boshlanadi. 5 sentyabr kuni esa jamoa Qirg‘izistonga qarshi to‘p suradi.

Shu kunga qadar O‘zbekiston Ummon jamoasiga qarshi o‘yin o‘tkazgandi. Bahs 30 avgust kuni “Olimpiya” stadionida bo‘lib o‘tgan va durang, ya’ni 1:1 hisobda yakunlangan.

Eslatib o‘tamiz, avvalroq O‘zbekiston milliy terma jamoasi himoyachisi Abduqodir Husanov jarohat olgani sabab CAFA Nations Cup turnirida ishtirok etolmasligi haqida xabar berilgandi.