O‘zbekistonning Isroildagi yangi elchisi tayinlandi

Jahongir Davlatovich Aminov O‘zbekistonning Isroildagi Favqulodda va Muxtor Elchisi lavozimiga tayinlandi. Tegishli qaror O‘zbekiston Respublikasi Oliy Majlisi Senati Kengashi tomonidan qabul qilindi. 

Bugun, 5 oktyabr kuni  Isroilning O‘zbekistondagi elchisi Zexavit Ben-Gilel o‘zining X dagi sahifasida Aminovga muvaffaqiyat tiladi. 

“Jahongir Aminovga O‘zbekistonning yangi elchisi lavozimini egallash uchun Isroilga jo‘nab ketishida omad tilaymiz. Uning tajribasi Isroil-O‘zbekiston o‘rtasidagi yaxshi, doimo rivojlanib borayotgan munosabatlarni rivojlantirish va kengaytirishga yordam berishi shubhasiz”, deb yozgan elchi.

Ma’lumot uchun, Jahongir Aminov bungacha O‘zbekiston Tashqi ishlar vazirligi Tashqi iqtisodiy hamkorlik bosh boshqarmasining Xorijiy investitsiyalar va moliyaviy-texnik yordam vositalarini jalb qilish boshqarmasi boshlig‘i, TIVning MDH davlatlari bilan hamkorlik boshqarmasi boshlig‘i lavozimlarida ishlagan.

Eslatib o‘tamiz, oldinroq O‘zbekistonning Isroildagi  elchisi Feruza Mahmudova ushbu mamlakatdagi o‘z missiyasini yakunlagandi.