O‘zbekistonliklar xorijda vafot etganlar uchun pul yig‘ayotganlardan ogohlantirildi
Jamiyat
−
10 yanvar 12140 1 daqiqa
Ijtimoiy tarmoqlarda xorijda bo‘lib turgan vaqtida vafot etgan o‘zbekistonliklarning jasadlarini qaytarish uchun tarmoq faollari turli plastik karta raqamlariga pul yig‘ish aksiyalarini o‘tkazayotgani kuzatilmoqda. Migratsiya agentligi ushbu holat bo‘yicha ogohlantirish bilan chiqdi.
Qayd etilishicha, ayrim holatlarda eski yoki noto‘g‘ri ma’lumotlar asosida odamlarning his-tuyg‘ularidan foydalanib, firibgarlik qiluvchi shaxslar ko‘paymoqda.
“Bu kabi xabarlarni ko‘rsangiz, hech qanday pul o‘tkazmang. Qonuniy va ishonchli yo‘l – O‘zbekiston Respublikasi Vazirlar Mahkamasi huzuridagi Migratsiya agentligiga murojaat qilishdir”, deyiladi xabarda.
Bildirilishicha, agar O‘zbekiston fuqarosi xorijda vafot etgan bo‘lsa, Migratsiya jamg‘armasi mablag‘lari hisobiga u ortga qaytariladi.
Live
Barchasi
