O‘zbekistonlik erkak Peterburgda keksa ayolni o‘limdan qutqarib qoldi
Olam
−
15 avgust 2020 15993
O‘zbekiston fuqarosi Rossiyaning Sankt-Peterburg shahrida pensioner ayolni poyezd bosib ketishidan qutqarib qoldi. Bu haqda “Fontanka” nashri xabar berdi.
Guvohlarning ma’lum qilishicha, ayolni Skobelev ko‘chasidagi bozorda ishlovchi 37 yoshli Davlat ismli o‘zbekistonlik qutqarib qolgan.
“Fontanka” qahramon erkakni topgan. U voqea 11 avgustda bo‘lganini aytib bergan.
“Men velosipedda edim. Yuk poyezdi kelayotgan edi. Qarasam, katta yoshli ayol to‘g‘ri poyezd tomonga ketyapti. Avvaliga “To‘xtang!” deb baqirdim, lekin u poyezd yo‘liga chiqib bo‘lgandi. Velosipedimni tashlab u tomonga otildim va orqaga olib qochdim. Yarim metrcha qolgandi. Ayol dastlab hech narsani tushunmay qoldi, keyin o‘ziga kelib, “rahmat, o‘g‘lim”, dedi”, deb Davlat o‘z hikoyasin so‘zlab bergan.
Davlat Peterburgga ishlashga borgan. U oilali va ikki farzandi bor.
Live
Barchasi07 noyabr 2023
07 noyabr 2023
07 noyabr 2023
