O‘zbekistonlik 3 kurashchi yilni jahon reytingi peshqadami sifatida yakunlaydi

Birlashgan kurash dunyosi (UWW) joriy yilning dekabr oyi uchun jahon reytingini e’lon qildi. 2025 yil yakuni aks etgan mazkur jadvalda yunon-rum kurashi bo‘yicha O‘zbekiston terma jamoasining 3 nafar a’zosi birinchi o‘rinda qayd etilgan.  

Unga ko‘ra, ortda qolayotgan yil davomida turli musobaqalarda yuqori natijalar bilan qimmatli ochkolarni jamg‘argan Alisher G‘aniyev -60 kg, Aytjan Xalmaxanov -63 kg va Abdullo Aliyev -72 kg vazn toifalarida jahon reytingining peshqadami sifatida yilni yakunlaydigan bo‘ldi.

Qolgan vazn toifalarida yetakchilik qilayotgan sportchilar bilan tanishing: 

• 55kg - Vaxtang Lolua (Gruziya);
• 60kg - Alisher G‘aniyev (O‘zbekiston);
• 63kg - Aytjan Xalmaxanov (O‘zbekiston);
• 67kg - Said Esmaili (Eron);
• 72kg - Abdullo Aliyev (O‘zbekiston); 
• 77kg - Ahmet Yilmaz (Turkiya);
• 87 kg - Aleksandr Komarov (Serbiya); 
• 97 kg - Aleks Shoke (Vengeriya); 
• 130 kg - Darius Vitek (Vengeriya).

Ma’lumot uchun, har bir vazn toifasida eng yuqori reytingni egallagan polvon 5 000 Shveysariya franki (taxminan 6 278 AQSH dollari) miqdorida mukofot oladi.