O‘zbekistonda bodring narxi o‘sishda davom etmoqda

O‘zbekistonda kalta bodiringning narxi yildan yilga ko‘tarilib bormoqda. Bu haqda 2023 yil 13 dekabr kuni EastFruit  narxlar monitoringi xabar berdi.

2023 yil noyabr oyi oxirida O‘zbekistonda issiqxonalarni gaz bilan ta’minlashdagi muammolar tufayli silliq kalta bodring narxining tez ko‘tarilishi haqida ma’lumot berilgandi.

Keyinchalik, ushbu mahsulotlar narxi o‘sishda davom etdi va o‘tgan haftada o‘rtacha ulgurji narx 29 foizga ko‘tarilgan. Bundan tashqari, Toshkent shahrining ulgurji bozorlarida birinchi bo‘lib katta miqdorda issiqxona silliq uzun bodringlari paydo bo‘ldi, ularning narxi o‘tgan yilgi rekord darajadan oshdi.

2023 yil 1 dekabrdan 8 dekabrgacha O‘zbekistonda issiqxonada bir kg silliq kalta bodringning o‘rtacha ulgurji narxi 21 ming so‘mdan 27 ming so‘mgacha oshgan va o‘tgan yilgi rekord ko‘rsatkichini saqlab qolgan. Ushbu ulgurji narxlar o‘tgan yilning shu davrida qayd etilgan darajalarga to‘g‘ri keladi.

O‘tgan haftada Toshkent ulgurji bozorlarida o‘tgan yillardagidan ancha yuqori narxda issiqxonada yetishtirilgan silliq uzun bodringning birinchi yirik miqdori paydo bo‘ldi. 2023 yil 8 dekabr holatiga ko‘ra, bu poliz ekinining o‘rtacha 1 kg narxi 25 000 so‘mni tashkil etadi, bu o‘tgan yilning shu sanasiga nisbatan 14 foizga, 2021 yilga nisbatan 2,5 barobarga va 2020 yil nisbatiga esa 1,7 barobarga yuqoridir.

O‘zbekistonda issiqxona bodringining tarixiy maksimal ko‘rsatkichlari joriy yilning yanvar oyining uchinchi o‘n kunligida qayd etilgan, o‘shanda Markaziy Osiyo mamlakatlarida anomal sovuq harorat kuzatilgani sababli issiqxonadagi silliq uzun bodringning o‘rtacha bir kg narxi 31 000 so‘m, kalta silliq bodring esa 35 000 so‘mni tashkil qilgan.