O‘zbekistonda 1 martdan oylik va nafaqalar oshadimi?

O‘zbekistonda 1 martdan ish haqi va pensiya oshishi haqidagi xabar haqiqatga to‘g‘ri kelmaydi. Bu haqda Iqtisodiyot va moliya vazirligi xabar berdi.

Bildirilishicha, ayni paytda ijtimoiy tarmoqlarda ish haqi, pensiya va nafaqalarning 2025 yil 1 martdan va 1 avgustdan 10 foizga oshirilishi to‘g‘risida yolg‘on xabarlar tarqalmoqda.

“Ish haqi va pensiyalar to‘g‘risidagi rasmiy axborot tegishli davlat organlarining rasmiy manbalarida e’lon qilinadi. Ishonchli manbalarga ishoning va tekshirilmagan xabarlarni tarqatmang”, deyiladi xabarda.

Eslatib o‘tamiz, avvalroq O‘zbekistonda kimlar eng ko‘p maosh olishi haqida xabar berilgandi. Eng ko‘p maosh oladigan kasblar ro‘yxatining yuqori pog‘onasini moliya sohasi egalladi.

Mohimbegim Ma’rufaliyeva