O‘zbekiston jamoasining Olimpiada litsenziyalari soni yana bittaga ko‘paydi
Sport
−
02 may 4188
Badiiy gimnastika bo‘yicha O‘zbekiston terma jamoasi Toshkentda start olgan litsenzion Osiyo chempionatini muvaffaqiyatli boshladi. Guruh mashqida ishtirok etgan mezbonlar ko‘pkurash dasturida 69.95 ball jamg‘arib, oltin medal bilan birga Parij-2024 yo‘llanmasini ham naqd qildi.
Bellashuvlarda ishtirok etgan Mumtoza Ishoqzoda, Shahzoda Ibragimova, Iroda Sodiqova, Evelina Atalyans va Amaliya Mamedovadan iborat O‘zbekiston jamoasi 5 ta halqadagi chiqishda 36.60, 3 ta tasma va 2 ta to‘pdagi chiqishda esa 33.35 ball jamg‘arishga muvaffaq bo‘ldi.
Ikkinchi o‘rin Yaponiya jamoasiga nasib etgan bo‘lsa, qozog‘istonlik qizlar kuchli uchlikni yakunlab berdi.
Hozirga kelib, O‘zbekiston delegatsiyasining Parij-2024 Olimpiadasi uchun litsenziyalari soni 39 taga yetdi.
Live
Barchasi
