Ўзбекистон жамоасининг Олимпиада лицензиялари сони яна биттага кўпайди

Спорт

−

02 Май 2024 visibility7004 timer1 дақиқа

Бадиий гимнастика бўйича Ўзбекистон терма жамоаси Тошкентда старт олган лицензион Осиё чемпионатини муваффақиятли бошлади. Гуруҳ машқида иштирок этган мезбонлар кўпкураш дастурида 69.95 балл жамғариб, олтин медаль билан бирга Париж-2024 йўлланмасини ҳам нақд қилди.

Беллашувларда иштирок этган Мумтоза Исҳоқзода, Шаҳзода Ибрагимова, Ирода Содиқова, Эвелина Атальянц ва Амалия Мамедовадан иборат Ўзбекистон жамоаси 5 та ҳалқадаги чиқишда 36.60, 3 та тасма ва 2 та тўпдаги чиқишда эса 33.35 балл жамғаришга муваффақ бўлди.

Иккинчи ўрин Япония жамоасига насиб этган бўлса, қозоғистонлик қизлар кучли учликни якунлаб берди.

Ҳозирга келиб, Ўзбекистон делегациясининг Париж-2024 Олимпиадаси учун лицензиялари сони 39 тага етди.

Мақола муаллифи