O‘zbekiston U-20 Urugvay yoshlariga imkoniyatni boy berdi

Sport

image

Urugvayda 20 yoshgacha bo‘lgan futbolchilar o‘rtasida “Maldonado Cup” o‘rtoqlik musobaqasiga start berildi. Bugun, 7 sentyabr (Urugvay vaqti bilan 6 sentyabr) kuni O‘zbekiston yoshlar terma jamoasi urugvaylik tengqurlariga qarshi bahs olib bordi va 3:1 hisobida imkoniyatni boy berdi.

Birinchi bo‘limning dastlabki daqiqalaridan mezbonlar ustunlikni qo‘lga oldi. 7-daqiqaga kelib, Renzo Sanches  burchak zarbasidan so‘ng hisobni ochdi.

19-daqiqada Ignasio Lema O‘zbekiston U-20 terma jamoasi darvozasiga ikkinchi to‘pni yo‘lladi. Shundan so‘ng, o‘zbekistonlik yoshlar ham hujumdagi faollikni oshirdi. Nodir Abdurazzoqov 34-daqiqada hisobdagi farqni bittaga qisqartirdi.

42 daqiqaga kelib, O‘zbekiston terma jamoasi darvozasi tomon 11 metrli jarima zarbasi belgilandi. Fabritsio Dias penaltidan unumli foydalanib, uchrashuvdagi yakuniy hisobni o‘rnatdi – 3:1. Ikkinchi taymda tomonlar qanchalik harakat qilishmasin boshqa gol kiritilmadi.

“Maldonado Cup” (U-20) 1-tur.

Urugvay – O‘zbekiston 3:1.

“Domingo Burgenyo Migel” stadioni. Maldonado

Gollar: Renzo Sanches 7, Ignasio Lema 19, Fabritsio Dias (pen) 42 – Nodir Abdurazzoqov 34.

O‘zbekiston U-20: Humoyunshoh Sayyodov, Izzat Po‘latov, Saidafzalxon Ahrorov, Abubakr Ashurov, Diyor Ortiqboyev, Jahongir O‘rozov, Po‘latxo‘ja Xoldorxonov, Behruz Asqarov, Umarali Rahmonaliyev, Nodir Abdurazzoqov, Aziz Xolmurodov.


Maqola muallifi

Teglar

O'zbekiston U-20

Baholaganlar

31

Reyting

3

Maqolaga baho bering

Doʻstlaringiz bilan ulashing