Ўзбекистон U-20 Уругвай ёшларига имкониятни бой берди
Спорт
−
07 Сентябрь 2022
3591Уругвайда 20 ёшгача бўлган футболчилар ўртасида “Maldonado Cup” ўртоқлик мусобақасига старт берилди. Бугун, 7 сентябрь (Уругвай вақти билан 6 сентябрь) куни Ўзбекистон ёшлар терма жамоаси уругвайлик тенгқурларига қарши баҳс олиб борди ва 3:1 ҳисобида имкониятни бой берди.
Биринчи бўлимнинг дастлабки дақиқаларидан мезбонлар устунликни қўлга олди. 7-дақиқага келиб, Рензо Санчес бурчак зарбасидан сўнг ҳисобни очди.
19-дақиқада Игнасио Лема Ўзбекистон U-20 терма жамоаси дарвозасига иккинчи тўпни йўллади. Шундан сўнг, ўзбекистонлик ёшлар ҳам ҳужумдаги фаолликни оширди. Нодир Абдураззоқов 34-дақиқада ҳисобдаги фарқни биттага қисқартирди.
42 дақиқага келиб, Ўзбекистон терма жамоаси дарвозаси томон 11 метрли жарима зарбаси белгиланди. Фабрицио Диас пенальтидан унумли фойдаланиб, учрашувдаги якуний ҳисобни ўрнатди – 3:1. Иккинчи таймда томонлар қанчалик ҳаракат қилишмасин бошқа гол киритилмади.
“Maldonado Cup” (U-20) 1-тур.
Уругвай – Ўзбекистон 3:1.
“Доминго Бургенё Мигел” стадиони. Малдонадо
Голлар: Рензо Санчес 7, Игнасио Лема 19, Фабрицио Диас (пен) 42 – Нодир Абдураззоқов 34.
Ўзбекистон U-20: Ҳумоюншоҳ Сайёдов, Иззат Пўлатов, Саидафзалхон Аҳроров, Абубакр Ашуров, Диёр Ортиқбоев, Жаҳонгир Ўрозов, Пўлатхўжа Холдорхонов, Беҳруз Асқаров, Умарали Раҳмоналиев, Нодир Абдураззоқов, Азиз Холмуродов.
LiveБарчаси
07 Ноябрь 2023
07 Ноябрь 2023
07 Ноябрь 2023
07 Ноябрь 2023