O‘zbekiston terma jamoasi Butunjahon sport o‘yinlarida 1-o‘rinni egalladi

Italiyada bo‘lib o‘tgan Butunjahon sport o‘yinlarida O‘zbekiston terma jamoasi 1 o‘rinni egalladi. Bu haqda Qo‘l jangi federatsiyasi axborot xizmati xabar berdi. 

Ma’lum qilinishicha, joriy yilning 5-10 sentyabr kunlari Italiyada Butunjahon sport o‘yinlari bo‘lib o‘tgan. Mazkur xalqaro musobaqada 30 ta sport turidan 6000 nafarga yaqin sportchi ishtirok etgan. 

Xalqaro sport o‘yinlariga ilk marotaba kiritilgan qo‘l jangi sport turida 10 ta vazn bo‘yicha bo‘lib o‘tgan janglardan 6 ta vazn toifasida O‘zbekiston terma jamoasi sportchilari oltin medallarni qo‘lga kiritgan. Shuningdek, yarim kontakt (semikontact) yo‘nalishida ham 1 ta oltin va 1 ta kumush medallarni jamg‘arib, jami 8 ta medal bilan umumjamoa hisobida 1-o‘rinni egallagan.

Oltin medallarni qo‘lga kiritgan ayol sportchilar:

• 55 kg vaznda Normatova Guljaxon;
• 65 kg vaznda Polvonova Nilufar;
• +70kg vaznda Jumanova O‘g‘iloy.

Oltin medalni qo‘lga kiritgan erkak sportchilar:

• 65 kg vaznda Sattorov Husniddin;
• 75 kg vaznda Yuldoshev Daler;
• 80 kg vaznda Solijonov Jasur.

Shu bilan birga, yarim kontakt (semikontact) yo‘nalishida Mahmudov Sodirjon oltin medal va Ibrohimov Nurillo kumush medal sohibiga aylangan.