O‘zbekiston MTJ o‘z tarixida ilk bor Turkiyaga yutqazdi

Kecha, 2 iyun kuni o‘zbek futboli tarixida ilk bor Turkiya terma jamoasiga qarshi o‘rtoqlik uchrashuvi o‘tkazildi.

Turkiyaning Alaniya shahrida o‘tkazilgan uchrashuvda mezbonlar g‘alaba qozonishdi. Uchrashuvdagi hisob 17-daqiqada ochildi. Jarima to‘pi havodan jarima maydonimiz ichiga oshirildi, barchadan baland sakragan "Lill" himoyachisi Zeki Chelik boshi bilan darvozani ishg‘ol qildi - 1:0. 

1997 yilda tug‘ilgan futbolchi 58-daqiqada yana gol urdi. Burchakdan oshirilgan to‘pni Karaman darvozaga yo‘lladi, Suyunov to‘pni qaytardi, qaytgan to‘pni darvoza qarshisida turgan Chelik darvozaga to‘g‘rilab qo‘ydi - 2:0.

89-daqiqada serbiyalik bosh hakam O‘zbekiston darvozasi tomon penalti belgiladi. Bu vaziyatda Oston O‘runov Abdulqodir Omurni yiqitgandi. 11 metrli jarima to‘pini Ifran Kaxvechi amalga oshirdi va Eldor Suyunov zarbani qaytarishga erishdi. 

Shu tariqa Turkiyaga qarshi o‘tgan birinchi o‘yinda O‘zbekiston terma jamoasi 0:2 hisobida mag‘lub bo‘ldi. 

Endi O‘zbekiston terma jamoasi 7 iyun kuni KXDR va 11 iyun kuni Suriya bilan Toshkentda o‘rtoqlik uchrashuvlari o‘tkazadi. 

Turkiya - O‘zbekiston 2:0 (1:0, 1:0). 
2 iyun 2019 yil. Alanya shahri, “Alanya” stadioni.

Hakamlar: Srdjan Yovanovich, Urosh Stoykovich, Milan Mixaylovich (uchalasi Serbiya), Xalil Umut Meler (Turkiya)

Gollar: Zeki Chelik 17, - 1:0. Zeki Chelik 58, - 2:0.

Amalga oshirilmagan penalti: Ifran Jan Kaxvechi 90 (darvozabon).

Turkiya: 1.Sinan Bolat, 2.Zeki Chelik, 3.Emre Tashdemir, 4.Chog‘lar Suyunchi, 7.Dorukxan Tokoz (11.Deniz Turuch, 83), 8.Og‘uzxon Ozyakup (20.Ozan To‘fan, 65), 9.Enes Unal (10.Abdulqodir Omur, 65), 14.Efejan Karacha (6.Omer Ali Shahiner, 46), 16.Merih Demiral, 19.Yunus Malli (17.Kenan Karaman, 46), 21.Ifran Jan Kaxvechi (5.Emre Belozoglu, 90+1)

O‘zbekiston: 25.Eldorbek Suyunov, 4.Farruh Sayfiyev, 5.Anzur Ismoilov, 6.Davron Hoshimov, 7.Odiljon Hamrobekov, 8.Quvondiq Ro‘ziyev (22.Doston Ibragimov, 70), 9.Odil Ahmedov, 10.Jaloliddin Masharipov, 14.Eldor Shomurodov (11.Temurxo‘ja Abduxoliqov, 70), 15.Yegor Krimets, 18.Fozil Musayev (19.Oston O‘runov, 60)

Ogohlantirish: Dorukxan Tokoz 35.