Ўзбекистон МТЖ ўз тарихида илк бор Туркияга ютқазди

Кеча, 2 июнь куни ўзбек футболи тарихида илк бор Туркия терма жамоасига қарши ўртоқлик учрашуви ўтказилди.

Туркиянинг Алания шаҳрида ўтказилган учрашувда мезбонлар ғалаба қозонишди. Учрашувдаги ҳисоб 17-дақиқада очилди. Жарима тўпи ҳаводан жарима майдонимиз ичига оширилди, барчадан баланд сакраган "Лилль" ҳимоячиси Зеки Челик боши билан дарвозани ишғол қилди - 1:0. 

1997 йилда туғилган футболчи 58-дақиқада яна гол урди. Бурчакдан оширилган тўпни Караман дарвозага йўллади, Суюнов тўпни қайтарди, қайтган тўпни дарвоза қаршисида турган Челик дарвозага тўғрилаб қўйди - 2:0.

89-дақиқада сербиялик бош ҳакам Ўзбекистон дарвозаси томон пенальти белгилади. Бу вазиятда Остон Ўрунов Абдулқодир Омурни йиқитганди. 11 метрли жарима тўпини Ифран Кахвечи амалга оширди ва Элдор Суюнов зарбани қайтаришга эришди. 

Шу тариқа Туркияга қарши ўтган биринчи ўйинда Ўзбекистон терма жамоаси 0:2 ҳисобида мағлуб бўлди. 

Энди Ўзбекистон терма жамоаси 7 июнь куни КХДР ва 11 июнь куни Сурия билан Тошкентда ўртоқлик учрашувлари ўтказади. 

Туркия - Ўзбекистон 2:0 (1:0, 1:0). 
2 июнь 2019 йил. Аланья шаҳри, “Аланья” стадиони.

Ҳакамлар: Срджан Йованович, Урош Стойкович, Милан Михайлович (учаласи Сербия), Халил Умут Мелер (Туркия)

Голлар: Зеки Челик 17, - 1:0. Зеки Челик 58, - 2:0.

Амалга оширилмаган пенальти: Ифран Жан Кахвечи 90 (дарвозабон).

Туркия: 1.Синан Болат, 2.Зеки Челик, 3.Эмре Ташдемир, 4.Чоғлар Суюнчи, 7.Дорукхан Токоз (11.Дениз Туруч, 83), 8.Оғузхон Озякуп (20.Озан Тўфан, 65), 9.Энес Унал (10.Абдулқодир Омур, 65), 14.Эфежан Карача (6.Омер Али Шаҳинер, 46), 16.Мериҳ Демирал, 19.Юнус Малли (17.Кенан Караман, 46), 21.Ифран Жан Кахвечи (5.Эмре Белозоглу, 90+1)

Ўзбекистон: 25.Элдорбек Суюнов, 4.Фарруҳ Сайфиев, 5.Анзур Исмоилов, 6.Даврон Ҳошимов, 7.Одилжон Ҳамробеков, 8.Қувондиқ Рўзиев (22.Достон Ибрагимов, 70), 9.Одил Аҳмедов, 10.Жалолиддин Машарипов, 14.Элдор Шомуродов (11.Темурхўжа Абдухолиқов, 70), 15.Егор Кримец, 18.Фозил Мусаев (19.Остон Ўрунов, 60)

Огоҳлантириш: Дорукхан Токоз 35.