O‘zbekiston Qahramoni Fanlar akademiyasiga prezident etib saylandi
Jamiyat
−
16 dekabr 2024 6996
Bugun, 16 dekabr kuni O‘zbekiston Respublikasi Fanlar akademiyasida Fanlar akademiyasining prezidentini saylashga bag‘ishlangan umumiy majlis bo‘lib o‘tdi. Bu haqda O‘zA xabar berdi.
Unda akademik Shavkat Abdullayevich Ayupov Fanlar akademiyasining prezidenti etib saylandi.
Ma’lumot uchun, Shavkat Ayupov 1952 yilda tug‘ilgan. U fizika-matematika fanlari doktori. Oliy Majlis Senati a’zosi. 2021 yilda O‘zbekiston Qahramoni unvoni bilan taqdirlangan.
Eslatib o‘tamiz, O‘zbekiston Respublikasi Fanlar akademiyasining oldingi prezidenti, fizika-matematika fanlari doktori, professor, akademik Behzod Sodiqovich Yo‘ldoshev 28 avgust kuni 79 yoshida vafot etgandi.
Live
Barchasi
