O‘zbekiston Afg‘onistonga million dollarlik protein va vitaminlar beradi

O‘zbekiston Afg‘onistonga 1 mln dollarlik protein va vitaminlar yetkazib beradi. Bu haqda Farmatsevtika tarmog‘ini rivojlantirish agentligi xabar berdi.

Bugun, 29 avgust kuni agentlik delegatsiyasi “Tolibon”ning Oziq-ovqat va dori vositalari sifatini nazorat qilish milliy uyushmasi rahbariyati bilan O‘zbekistonda ishlab chiqarilgan dori mahsulotlarini ushbu mamlakat bozoriga yetkazib berish bo‘yicha muzokaralar olib borgan.

Natijada O‘zbekistondagi ishlab chiqaruvchilar tomonidan yiliga o‘rtacha 1 mln dollarlik protein va vitamin komplekslarini yetkazib berish bo‘yicha kelishuvlarga erishilgan.

Shuningdek, uchrashuvda dori vositalarini davlat ro‘yxatidan o‘tkazishning o‘zaro soddalashtirilgan tizimini joriy etish bo‘yicha loyiha ishlab chiqilayotgani, afg‘onistonlik tibbiyot xodimlarining malakasi oshirilishi hamda qisqa muddatli kurslarda o‘qitish rejasi ham ma’lum qilingan.

Akobir Sayidov