Statistika qo‘mitasi O‘zbekistonda bolalar soni qancha ekanini ma’lum qildi
Jamiyat
−
01 iyun 2020 16622
O‘zbekiston aholisining 10 millionga yaqinini 14 yoshgacha bo‘lgan bolalar tashkil qiladi. Bu haqda Davlat statistika qo‘mitasi xabar berdi.
2020 yil 1 yanvar holati bo‘yicha mamlakatda 0–14 yoshdagi jami bolalar soni 9 million 870 ming 276 nafarni tashkil etgan. Shundan, 5 million 112 ming 470 nafari o‘g‘il bolalar bo‘lsa, 4 million 757 ming 806 nafari qiz bolalardir.
Respublikada 0–14 yoshdagi o‘g‘il-qizlarning 4 million 559 ming 212 nafari shaharda, 5 million 311 ming 64 nafari esa qishloq joylarda istiqomat qiladi.
Eslatib o‘tamiz, O‘zbekistonning doimiy aholisi soni 2020 yil 1 aprel holatiga ko‘ra, 34 068,8 ming kishini tashkil etgan.
Ma’lumot uchun, 1 iyun – Xalqaro bolalarni himoya qilish kuni sifatida nishonlanadi.
Live
Barchasi
