O‘zbekiston hammuallifiga aylangan vaksina JSSTda ro‘yxatdan o‘tmoqda

Jamiyat 7783
image

Innovatsion rivojlanish vazirligining Ilg‘or texnologiyalar markazi biotexnologiya laboratoriya mudiri Dilbar Dolimovaning ma’lum qilishicha, ZF-UZ-VAC 2001 vaksinasi Jahon sog‘liqni saqlash tashkilotida ro‘yxatdan o‘tish arafasida turibdi.

Uning so‘zlariga ko‘ra, o‘zbek-xitoy vaksinasi 99 foiz xavfsiz va 97 foiz samarali hisoblanadi.

Dolimovaning ta’kidlashicha, so‘nggi tadqiqotlar vaksina koronavirusning Buyuk Britaniya va Janubiy Afrika Respublikasida aniqlangan shtammlariga qarshi samarali ekanini ko‘rsatgan.

Vaksinani oddiy muzlatgich haroratida (8 darajagacha) saqlash va tashish mumkin.

Eslatib o‘tamiz, O‘zbekiston Xitoyning “Zhifei Longcom Biopharmaceutical Co.,Ltd” kompaniyasining koronavirusga qarshi ZF-2001 vaksinasi sinovlarida faol ishtirok etgani, shuningdek, klinik tadqiqotlarga hissasini qo‘shgani uchun preparat hammuallifi sifatida tan olingandi. ZF-2001 vaksinasi tez orada O‘zbekistonda ZF-UZ-VAC 2001 nomi bilan tarqatilishi kutilyapti.

Sunnatilla Abdullayev
Maqolaga baho bering
Baholaganlar: 279
Reyting: 2.9
t
×