Ursula fon der Lyayen Yevrokomissiya rahbari etib qayta saylandi (video)
Olam
−
18 iyul
2709Bugun, 18 iyul kuni Yevrokomissiya rahbari Ursula fon der Lyayen ushbu lavozimga qayta saylandi. Bu haqda Yevroparlament xabar berdi.
Yashirin ovoz berishda 401 ovoz to‘plagan Lyayen komissiya raisi sifatida ikkinchi muddatga g‘alaba qozondi. Yana 5 yil davomida u o‘z siyosatini amalga tatbiq etadi. O‘ng markazchi Yevropa Xalq Partiyasidan bo‘lgan Ursula yashirin ovoz berishda 401 ovoz to‘pladi, bu saylanishi uchun kerak bo‘lgan 361 ovozdan ancha yuqori. 284 ovoz muxolifat, 15 betaraf va 7 ovoz haqiqiy emas deb topildi.
Uni uchta asosiy, Yevropa Ittifoqi tarafdori bo‘lgan guruhlar - o‘ng markazchi Yevropa Xalq Partiyasi, Sotsialistlar va Demokratlar hamda Yangi Yevropa liberallari qo‘llab-quvvatladi. Endi Lyayen ham Yevropa kengashi, ham Yevroparlament tomonidan qo‘llab-quvvatlanar ekan, u o‘zining yangi xodimlarini yig‘ishni boshlaydi.
Komissiyaning saylangan prezidenti endi a’zo davlatlarning davlat va hukumat rahbarlariga Yevropa komissarlari lavozimlariga o‘z nomzodlarini taqdim etishni taklif qilgan rasmiy xatlar yuboradi. Parlament joriy yil yozdan keyin tegishli qo‘mitalarda nomzodlarni tinglashga kirishadi. Komissarlarning to‘liq kollegiyasi parlament tomonidan tasdiqlanishi kerak.
Eslatib o‘tamiz, avvalroq Fon der Lyayen ikkinchi muddatga Yevrokomissiya rahbari bo‘lib qolishi xabar qilingandi. Shuningdek, u o‘zining siyosiy dasturida Yevropa Ittifoqini mudofaa ittifoqiga aylantirishga va’da bergandi.