Ukrainaga yana qiruvchi samolyotlar yetib keldi

Slovakiya Mudofaa vazirligi barcha va’da qilingan MiG-29 qiruvchi samolyotlarini Ukrainaga topshirishni e’lon qildi. Bu haqda bugun, 17 aprel kuni “Pravda” gazetasi xabar berdi.

“O‘tkazish imkon qadar yuqori xavfsizlik sharoitida amalga oshirildi. Men barcha ishtirokchilarga o‘z minnatdorchiligimni bildiraman, chunki bunday hollarda bu haqiqatdan ham muhim va murakkab logistika operatsiyasidir”, deydi respublika Mudofaa vaziri Yaroslav Nadya.

Eslatib o‘tamiz, oldinroq Slovakiya 13 ta MiG-29 qiruvchisini Ukrainaga topshirishni ma’qullagan edi. Kiyevga ko‘rsatgan yordami evaziga u AQSH va Yevropa Ittifoqidan 900 million dollar miqdorida kompensatsiya olishi ma’lum bo‘lgandi. Polsha ham Ukrainaga MiG-29 bergan va ularning o‘rnini Britaniya samolyotlari bilan to‘ldirishi aytilgan. Shuningdek, Kiyevga ko‘rsatayotgan umumiy yordami uchun Varshava Yevropa tinchlik jamg‘armasidan 43 million yevro olgan va yana 240 million yevro olish niyatida ekani ma’lumбўлган edi.