Ukraina atrofidagi vaziyat Rossiya uchun hayot-mamot masalasi – Putin 

Ukraina atrofidagi vaziyat G‘arb uchun faqat taktik pozitsiya masalasi bo‘lsa, Rossiya uchun bu hayot-mamot masalasidir. Bu haqda Rossiya Prezidenti Vladimir Putin mahalliy jurnalist Pavel Zarubin bilan suhbatda uning amerikalik hamkasbi Taker Karlsonga bergan intervyusining “tarixiy qismi”ni izohlayotganida aytib o‘tdi. 

Putin “Ukraina yo‘nalishida sodir bo‘layotgan hamma narsa” Rossiya uchun naqadar nozik va muhim ekanini rossiyalik va xorijlik tinglovchilar tushunishi muhim ekanini ta’kidladi.

“Ular uchun bu o‘z taktik pozitsiyasini yaxshilash, lekin biz uchun bu taqdir, bu hayot-mamot masalasi. Men buni (Karlson bilan suhbatni) tinglaydiganlar tushunishlarini xohlardim; bu muvaffaqiyatli bo‘ldimi yoki yo‘qmi, buni hukm qilish men uchun emas ", deydi Prezident.

Rossiya yetakchisining aytishicha, Taker Karlson bilan suhbatga qiziqish dunyoni muqobil nuqtai nazar bilan tanishtirish istagi bilan bog‘liq.

"Taxmin qilishim mumkinki, bu bizning mamlakatimizda ham, dunyoda ham ko‘pchilikning muqobil nuqtai nazarga ega bo‘lish va haqiqatni aniqlash istagi bilan bog‘liq", deydi Putin.

Ma’lumot uchun, Putinning Karlson bilan suhbati 9 fevralga o‘tar kechasi e’lon qilingan. Ikki soatlik intervyuning muhim qismi Ukrainadagi urush va Rossiya Federatsiyasining AQSH, NATO va umuman G‘arb bilan munosabatlariga bag‘ishlandi. Taker Karlsonning rasmiy sahifalarida Vladimir Putinning intervyusini ko‘rishlar soni X’da 204 million, YouTube'da 18 millionni tashkil etdi.

Eslatib o‘tamiz, Putin Karlson unga o‘tkir savollar bermaganidan noligandi.