Turkiyadagi futbol o‘yinida Rossiya va Qozog‘iston jamoalari mushtlashdi (video)
Sport
−
24 yanvar 2024 17928
Turkiyaning Belek shahridagi o‘quv-mashg‘ulot yig‘ini doirasidagi o‘rtoqlik o‘yini chog‘ida Qo‘stanayning “Tobol” va Rossiyaning “Chelyabinsk” klublari o‘rtasida mushtlashuv bo‘ldi. Bu haqda Sports.kz xabar berdi.
Manbaga ko‘ra, 2-bo‘limda Qozog‘iston jamoasi futbolchisi Islom Chesnokov to‘p uchun kurashgan chelyabinsklik futbolchi bilan janjallashib qoldi. Oqibatda o‘yinchilar o‘rtasida janjal kelib chiqqan. Uchrashuv hakami esa ikki futbolchini ham maydondan chetlatgan.
Zaxira o‘rindig‘iga o‘tayotganda “Chelyabinsk” jamoasi futbolchisi Chesnokovning tomog‘idan ushlagan, bu esa futbolchilar o‘rtasida mushtlashuvga sabab bo‘lgan, biroq biroz o‘tib futbolchilar tinchlandi, shundan so‘ng o‘yin davom ettirildi.
Qayd etish joiz, uchrashuv Rossiya klubining 2:1 hisobidagi g‘alabasi bilan yakunlangan.
Live
Barchasi
