Turkiya tomoni Demiral ishi bo‘yicha apellyatsiya berdi
Sport
−
05 iyul 5825
Turkiya futbol federatsiyasi (TFF) terma jamoa himoyachisi Merih Demiralning Avstriya bilan o‘yinda ko‘rsatgan ishorasi uchun futbolchini Yevro-2024'ning ikkita o‘yiniga diskvalifikatsiya qilish qarori ustidan apellyatsiya berdi. Bu haqda jurnalist Yagiz Sabunchuoglu X sahifasida ma’lum qildi.
Manbaga ko‘ra, turk tomoni futbolchini himoya qilish uchun UEFA'ga onlayn ariza topshirgan. Apellyatsiya 24 soat ichida ko‘rib chiqiladi va qaror qabul qilinadi.
Qayd etish joiz, holat Yevro-2024 1/8 finali doirasidagi Avstriya va Turkiya terma jamoalari o‘rtasidagi uchrashuv (1:2) vaqtida yuz bergandi. O‘sha o‘yinda Demiral dubl qayd etdi. Futbolchi golni nishonlash chog‘ida turk millatchilarining ishorasini ko‘rsatdi.
Eslatib o‘tamiz, avvalroq Turkiya terma jamoasi xodimlari Yevro-2024 chorak finaliga chiqqani sharafiga milliy terma jamoa futbolchilari hamda xodimlari uchun 300 dona kabob buyurtma qilgani xabar qilingandi.
Live
Barchasi
