To‘qayev Tramp bilan telefon orqali gaplashdi
Olam
−
06 dekabr 3461
Qozog‘iston Prezidenti Qosim-Jomart To‘qayev AQSHning saylangan prezidenti Donald Tramp bilan telefon orqali muloqot qildi. Bu haqda Oqo‘rda matbuot xizmati xabar berdi.
Qayd etilishicha, To‘qayev Donald Trampni Qo‘shma Shtatlar Prezidenti lavozimiga saylangani bilan tabriklagan. Shuningdek, siyosatchilar savdo, investitsiyalar va yadroviy qurollarni tarqatmaslik sohalarida strategik hamkorlikni jadal rivojlantirishga o‘zaro sodiqligini tasdiqlagan.
To‘qayev Qozog‘istonning xalqaro kun tartibidagi eng dolzarb masalalar bo‘yicha pozitsiyasini bayon qilgan. Bundan tashqari, Prezidentlar ikki tomonlama hamkorlikning yuqori sur’atlarini saqlash maqsadida muntazam muloqot qilishga kelishib olgan.
Eslatib o‘tamiz, avvalroq Qosim-Jomart To‘qayev Donald Trampni Amerika Qo‘shma Shtatlari Prezidenti etib saylangani bilan tabriklagani xabar qilingan edi.
Live
Barchasi
