To‘qayev ham omma bilan iftorlik qildi
Olam
−
16 mart
7892Qozog‘iston Prezidenti Qosim-Jomart To‘qayev Milliy qurultoy ishtirokchilari bilan iftorlik qildi. Bu haqda Oq O‘rda xabar berdi.
Davlat rahbari barcha yig‘ilganlarni Ramazon oyi bilan tabriklab, Milliy qurultoy ishidagi faol ishtiroki uchun yig‘ilganlarga minnatdorlik bildirgan.
“Barcha musulmonlar Ramazon oyini katta sabrsizlik bilan kutadi va uning boshlanishi bilan namoz o‘qiydi, eng ezgu tilaklarini qiladi. Odamlar axloqiy jihatdan kamol topadi, ma’naviy poklanadi. Ular muhtojlarga yordam berishadi va har bir inson, har bir oilaga foyda keltiradigan boshqa solih amallarni qilishadi. Bularning barchasi xalqimiz hamjihatligini mustahkamlashga xizmat qilmoqda”, deydi To‘qayev.
Qozog‘iston Prezidenti islom dini milliy madaniyatning ajralmas qismi ekanini, insonlarni mehribon, halol, bilimli va mehnatkash bo‘lishga chaqirishini ta’kidlagan.
“Bu ezgu fazilatlar xalqimiz an’analarida yaqqol namoyon bo‘lmoqda. Bilasizmi, men millatning yangi sifatini shakllantirish zarurligi haqida bir necha bor gapirganman. Bu haqda bugungi Qurultoyda yana gapirdim. Yurtimizning har bir fuqarosi “Adal Azamat” – mas’uliyatli fuqaro fazilatlarini chinakamiga o‘zida mujassamlashtirishi kerak. Biz yosh avlodga to‘g‘ri qadriyatlarni singdirishimiz kerak”, deydi Prezident.
Eslatib o‘tamiz, avvalroq, 15 mart kuni Qirg‘iziston Prezidenti Sadir Japarov Bishkek markaziy masjidida iftorlik qilgandi.
LiveBarchasi
07 noyabr 2023
07 noyabr 2023
07 noyabr 2023