Sukerberg va uning rafiqasiga sud ishi ochildi 

Facebook asoschisi Mark Sukerberg va uning rafiqasi Prissilla Changa tegishli kompaniyalardan birining sobiq xodimlari ularni sudga berdi. Bu haqda sud hujjatlariga tayanib xabar berilgan.  

Da’vo qurbonlar ishlagan tuzilmalar ichidagi ta’qiblarga ishora qiladi. Ta’kidlanishicha, Sukerbergning oilaviy kompaniyasida ishlagan ikki xodim boshqa xodimlarni jinsiy zo‘ravonlik va diskriminatsiyaga aloqadorlikda ayblamoqda. 

Qayd etilishicha, Sukerbergning eng yirik kompaniyasi bo‘lgan Facebook da’voga aloqador emas. Materialda Sukerberg va uning rafiqasi qo‘l ostidagilarni shaxsan ta’qib qilgani haqida hech narsa aytilmagan, ammo ular da’voda ayblanuvchilardir. 

Shu bilan birga, Sukerbergning rafiqasining matbuot kotibi ayblovlarni isbotlab bo‘lmasligini aytgan. Ma’lumotlarga ko‘ra, bu ish bo‘yicha hali sud majlisi belgilanmagan. 

Avvalroq, Facebook kompaniyasi o‘z nomini o‘zgartirmoqchi ekani haqida xabar bergandik.