Trentning “Real”ga o‘tishi aniq bo‘ldi

Sport

−

14:07visibility744

Angliya terma jamoasi va “Liverpul” klubi himoyachisi Trent Aleksandr-Arnold Madridga ko‘chib o‘tishga rozi bo‘ldi. Bu haqda “Marca” nashri xabar berdi.

Manbaga ko‘ra, futbolchi va “Real” transfer borasida kelishib oldi. Endigi masala Trent qachon ko‘chib o‘tishida qoldi. Madrid klubi imkon qadar qishki transferlar oynasidayoq qanot himoyachisini qo‘lga kiritmoqchi. Shuningdek, agar futbolchi qishda Madridga ko‘chib o‘tmaydigan taqdirda ham, yozgi transferlar oynasida tekinga “Real” futbolchisiga aylanadi.

Ma’lumot o‘rnida, “qirollik klubi” himoya chizig‘iga “Bavariya” futbolchisi Alfonso Devisni ham olib kelishni rejalashtirgan. Devis ham “qaymoqranglilar” tarkibiga kelib qo‘shilishga qarshi emasligini bildirgan.

Eslatib o‘tamiz, avvalroq, “Real” Trent jamoaga kelgunicha ham arzon narxga o‘ng qanot himoyachisi sotib olmoqchiligi haqida xabar berilgan edi.

Maqola muallifi