Trent qachon “Real”ga o‘tishi ma’lum bo‘ldi
Sport
−
21 yanvar 1006
Madridning “Real” klubi yozgi transferlar oynasida “Liverpul” himoyachisi Trent Aleksandr-Arnoldni sotib oladi. Bu haqda insayder Ramon Alvares de Mon o‘z X sahifasida ma’lum qildi.
De Monning so‘zlariga ko‘ra, “qirollik klubi” Trentni yozda tarkibiga qo‘shib oladi. Klub futbolchi uchun bonuslar bilan birga 18-20 million yevro to‘lashga tayyor.
Ma’lumot o‘rnida, 26 yoshli himoyachi “Liverpul” tarkibiga 2016 yilda kelib qo‘shilgan va uning amaldagi shartnomasi 2025 yilning yozigacha mo‘ljallangan. Trentning narxi “Transfermarkt” portalida 75 million yevroga baholangan.
Eslatib o‘tamiz, avvalroq, qanot himoyachisi qishki transferlar oynasidayoq madridliklar safiga qo‘shilishi mumkinligi haqida xabar berilgan edi.
Ammo “mersisaydliklar” Trentni qishda sotishni rejalashtirmagan. U mavsum yakuniga qadar Angliyada to‘p tepadi.
Live
Barchasi
