Trampning “bosh og‘rig‘i”. Sud uni Kapitoliyga hujum uchun aybdor deb topdi

north_east

AQSHda katta to‘polon: Tramp tarafdorlari Kongress binosiga bostirib kirdi

Kolorado sudi AQSHning sobiq prezidenti Donald Tramp 2021 yilda Kapitoliyga bostirib kirishga aloqadorligini aniqladi. Bu haqda “Associated Press” xabar berdi.

Sudya sud qaroriga tayanib, Tramp o‘z harakatlari va ommaviy bayonotlari bilan 2021 yildagi “qo‘zg‘olonni qo‘zg‘atganini” tan olgan. Biroq qarorda bu holat AQSHning sobiq prezidentining yana davlat rahbari lavozimiga nomzodini qo‘yishiga to‘sqinlik qilmasligi alohida ta’kidlangan.

Donald Tramp saylovoldi tashviqoti vakili Stiven Chung Kolorado sudi qaroriga mutlaqo qo‘shilmasligini aytadi. U hozirda AQSH Demokratik partiyasi vakillarining sobiq prezident “bo‘lajak saylovlarga aralashish uchun beadab urinishlarni amalga oshirmoqda”, degan fikrni inkor etadi.

Ma’lumot uchun, shu yilning avgust oyida Donald Trampga 2021 yil 6 yanvarda Kapitoliyga bostirib kirishga aloqador federal ayblovlar qo‘yilgan. Federal sudyalar hay’ati unga to‘rtta modda bo‘yicha ayblov e’lon qildi, ulardan ikkitasi 5 yilgacha, yana ikkitasi esa 20 yilgacha ozodlikdan mahrum etishni nazarda tutadi. Sobiq prezident o‘z aybini tan olmadi.

Hozirda Donald Tramp Respublikachilar partiyasidan 2024 yilda AQSH prezidentligiga nomzod bo‘lish uchun da’vogar. Hozirda u Respublikachilar partiyasining praymerizda yaqqol yetakchisi (so‘rovlar uning eng yaqin raqibi, Florida gubernatori Ron De Santisdan 47 foizga ilgarilab ketganini ko‘rsatmoqda), agar u praymerizda g‘alaba qozonsa, kelasi yilning noyabrida bo‘lib o‘tadigan umumiy saylovda ishtirok etish huquqiga ega bo‘ladi. Milliy reytinglarda, CNN ma’lumotlariga ko‘ra, Tramp hozirda amaldagi davlat rahbari, AQSH Demokratik partiyasidan potensial nomzod Jo Baydendan oldinda.