Trampga qarshi ayblovlar uning saylovda g‘alaba qozonish imkonini oshiradi

AQSHning sobiq prezidenti Donald Trampga qarshi ayblovlar uning 2024 yilda prezidentlikka qaytishiga olib kelishi mumkin. Bu fikr kecha, 3 aprel kuni Amerikaning “Fox News” telekanali boshlovchisi Shon Xanniti tilidan yangradi.

“Manxetten prokurori Alvin Braggning Trampni hibsga olishga bo‘lgan makkorona urinishi uni Oq uyga qaytarishi mumkin”, degan Shon Xanniti. 

Shuningdek, u tergov boshlanganidan keyin Tramp 24 soat ichida 4 million dollardan ko‘proq pul yig‘ganini eslatgan. Oldinroq e’lon qilingan YouGov so‘rov ma’lumotlari ham Tramp Amerika ma’muriyati rahbari lavozimi uchun kurashda respublikachilar orasida eng ko‘p ma’qullangan nomzod ekanini isbotladi.

Ma’lumot uchun, bugun, 4 aprel kuni Oq uyning sobiq rahbari Nyu-Yorkdagi sudga chiqishi kutilmoqda, u yerda unga moliyaviy hujjatlarni qalbakilashtirish ishi bo‘yicha ayblov qo‘yiladi. Tramp AQSH tarixida jinoiy javobgarlikka tortilgan birinchi sobiq shtab rahbari bo‘ladi. Amerika konstitutsiyasiga ko‘ra, bu uning saylovlarda ishtirok etishiga to‘sqinlik qilmaydi.

Eslatib o‘tamiz, 30 mart kuni Nyu-Yorkdagi katta hakamlar hay’ati pornografik aktrisa Stormi Daniyelsga pul to‘lashda Trump Organization moliyaviy hujjatlarini qalbakilashtirish siyosatini ayblash uchun ovoz bergandi. Tergov ma’lumotlariga ko‘ra, advokat Maykl Koen 2016 yilgi saylov kampaniyasi paytida 2006 yilda Tramp bilan taxmin qilingan munosabatlari haqida ma’lumot tarqatmaslik uchun unga 130 ming dollar to‘lagan.