Трампга қарши айбловлар унинг сайловда ғалаба қозониш имконини оширади

АҚШнинг собиқ президенти Дональд Трампга қарши айбловлар унинг 2024 йилда президентликка қайтишига олиб келиши мумкин. Бу фикр кеча, 3 апрель куни Американинг “Fox News” телеканали бошловчиси Шон Ханнити тилидан янгради.

“Манхеттен прокурори Алвин Браггнинг Трампни ҳибсга олишга бўлган маккорона уриниши уни Оқ уйга қайтариши мумкин”, деган Шон Ханнити. 

Шунингдек, у тергов бошланганидан кейин Трамп 24 соат ичида 4 миллион доллардан кўпроқ пул йиғганини эслатган. Олдинроқ эълон қилинган YouGov сўров маълумотлари ҳам Трамп Америка маъмурияти раҳбари лавозими учун курашда республикачилар орасида энг кўп маъқулланган номзод эканини исботлади.

Маълумот учун, бугун, 4 апрель куни Оқ уйнинг собиқ раҳбари Нью-Йоркдаги судга чиқиши кутилмоқда, у ерда унга молиявий ҳужжатларни қалбакилаштириш иши бўйича айблов қўйилади. Трамп АҚШ тарихида жиноий жавобгарликка тортилган биринчи собиқ штаб раҳбари бўлади. Америка конституциясига кўра, бу унинг сайловларда иштирок этишига тўсқинлик қилмайди.

Эслатиб ўтамиз, 30 март куни Нью-Йоркдаги катта ҳакамлар ҳайъати порнографик актриса Сторми Даниелсга пул тўлашда Trump Organization молиявий ҳужжатларини қалбакилаштириш сиёсатини айблаш учун овоз берганди. Тергов маълумотларига кўра, адвокат Майкл Коэн 2016 йилги сайлов кампанияси пайтида 2006 йилда Трамп билан тахмин қилинган муносабатлари ҳақида маълумот тарқатмаслик учун унга 130 минг доллар тўлаган.