Tramp AQSH janubiy chegarasida favqulodda holat e’lon qildi

AQSH Prezidenti Donald Tramp immigratsiya choralarini kuchaytirishga olib keladigan bir qator farmonlarni imzoladi. Bu haqda CNN xabar berdi.

Xususan, u AQSHning janubiy chegarasida favqulodda holat e’lon qildi.

Qayd etilishicha, bu chegara devori qurilishini yakunlash uchun Pentagon va mamlakat Qurolli kuchlaridan qo‘shimcha resurslarni yo‘naltirishni nazarda tutadi.

Shu bilan birga, Tramp “qonuniy immigratsiyaga rozi ekanligini” ta’kidladi.

Shu bilan birga, "The New York Times" Oq uy rahbari o‘z prezidentligining birinchi soatida migrantlarning qonuniy kirishi uchun mo‘ljallangan CPB One ilovasini yopib qo‘ygani haqida xabar bergan.

Eslatib o‘tamiz, Tramp lavozimga kirishganidan so‘ng Qo‘shma Shtatlar tomonidan boshqa mamlakatlarga ko‘rsatiladigan yordam dasturlarini 90 kunga to‘xtatish haqida farmonni imzolagandi. Shuningdek, u AQSHda tug‘ilganlik huquqi asosida fuqarolik olishni cheklovchi farmonni imzoladi. Tramp sobiq prezident Jo Bayden ma’muriyati tomonidan G‘arbiy Sohildagi isroillik ko‘chmanchilarga qarshi joriy etilgan sanksiyalar buyrug‘ini bekor qildi.