Tojikistonlik shifokorlar pandemiya vaqtida diabet bilan og‘rigan bemorlarga bepul maslahat bermoqda

Facebookʼdagi faollar telefon orqali diabet bilan kasallangan bemorlarga bepul maslahat beradigan shifokorlar ro‘yxatini tuzdilar. Bu haqda Farangiz Sharif-Zoda ismli foydalanuvchi o‘z sahifasida xabar berdi.

“Barcha tojiklar uchun qiyin bo‘lgan paytda, hamma bu virusni yuqtirish qo‘rquvidan shaharga chiqmayotgan diabetga chalingan bemorlarga yordam berishi kerak. Ayni paytda ular sizning yordamingizga juda muhtoj“, deb yozdi Farangiz.

Shu munosabat bilan, yordam berishi mumkin bo‘lgan endokrinologlarning soni Facyebook, Instagram va Sinfdoshlar sahifalarida e’lon qilindi.

“Tojikiston xalqi nomidan qilgan fidokorona mehnatingiz uchun barchangizga ta’zim qilaman. O‘zingizga g‘amxo‘rlik qiling”, deydi Farangis Sharif-Zoda shifokorlarga qarata.

Ma’lumot uchun, diabet bilan kasallanganlar COVID-19 infeksiyasiga juda moyil va koronavirus bilan ular jiddiy asoratlarni boshdan kechirishlari mumkin. Statistikaga ko‘ra, o‘limning 10% dan ortig‘i yurak-qon tomir kasalligi bo‘lgan COVID-19 bilan kasallangan bemorlarda, taxminan 7-8% diabetning 2 turi bo‘lgan bemorlarda, 2-5% o‘lim esa ichki organlarning boshqa og‘ir kasalliklari bo‘lgan bemorlarda qayd etilgan.

So‘nggi ma’lumotlarga ko‘ra, Tojikistonda koronavirus bilan bog‘liq 3 100 ta holat aniqlangan. Kasallanganlarning 1 395 nafari sog‘aygan, 46 nafari esa vafot etgan.