Tojikistondagi bozorda gaz balloni portlab ketdi (video)

Olam

−

22 may 2023 visibility11250 timer1 daqiqa

Tojikiston janubida joylashgan Xatlon viloyatidagi bozorda gaz balloni portlab ketdi. Bu haqda Respublika Sog‘liqni saqlash vazirligi Matbuot xizmati xabar berdi.

Keltirilishicha, voqea joriy yilning 20 may kuni sodir bo‘lgan. Viloyatning Pyanj tumanida joylashgan bozordagi umumiy ovqatlanish shoxobchasida gaz balloni portlab ketishi oqibatida 28 kishi jabrlangan.

“Xatlon viloyati Pyanj tumani markaziy bozorida gaz ballonining portlashi oqibatida 28 kishi tan jarohati olib, tuman kasalxonasiga yotqizildi”, deyiladi xabarda.

Ma’lumotlarga ko‘ra, jarohatlanganlarning sakkiz nafari og‘ir ahvolda bo‘lib, reanimatsiyaga joylashtirilgan.

Tojikiston Ichki ishlar vazirligi portlash sababi sifatida ballonni suyultirilgan gaz bilan to‘ldirishda xavfsizlik qoidalariga rioya qilinmaganini ko‘rsatmoqda.

Maqola muallifi