Toshkentning 14 ta hududida Yangi yil tantanalari start oldi

2020 yilni qarshi olishimizga sanoqli kunlar qoldi. Toshkent shahar hokimiyati poytaxtning 14 ta hududida bayram tadbirlari bo‘lib o‘tishi haqida ma’lum qildi. Unga ko‘ra, joriy yilning 22 dekabridan 2020 yilning 8 yanvarigacha Toshkentdagi 14 ta joyda Yangi yil bayram tadbirlari bo‘lib o‘tadi. Bular: 

•    Alisher Navoiy nomidagi O‘zbekiston Milliy kutubxonasi hamda “Hayatt Regency” mehmonxonasining oldi maydonida;

•    Shayxontohur tumanidagi “Anhor Lokomativ” bog‘ida;

•    Shayxontohur tumanidagi “Navro‘z” bog‘ida;

•    Chilonzor tumani Algoritm dahasidagi “Roison Electronics” korxonasi old maydonida;

•    Yakkasaroy tumanidagi Pushkin maydonida;

•    Bektemir tumanidagi Madaniyat va aholi dam olish markazining old tomonida;

•    Mirzo Ulug‘bek tumanidagi Bobur nomidagi “Eko-bog‘” hududida;

•    Mirzo Ulug‘bek tumanidagi “Central park” hududida;

•    Sergeli tumanidagi “Green park” hududida;

•    Uchtepa tumanidagi “Farhod” dehqon bozorining Kichik xalqa yo‘lidagi turargohi hududida;

•    Yunusobod tumanidagi Toshkent hayvonot bog‘i old maydonida;

•    Yashnobod tumanidagi “Ashxobod” madaniyat va istirohat bog‘i hududida;

•    Yashnobod tumanidagi Mudofaa vazirligining Ma’naviyat va ma’rifat markazida;

•    Chilonzor tumanidagi “Humo arena” muz saroyining old maydonida.