Toshkentda o‘tgan “Katta dubulg‘a” turnirida o‘zbekistonlik dzyudochilar 12 ta medalni qo‘lga kiritdi

Toshkentda dzyudo bo‘yicha “Katta dubulg‘a” tasnifiga kiruvchi turnir bo‘lib o‘tdi va unda O‘zbekiston terma jamoasi 1 ta oltin, 3 ta kumush va 8 ta bronza medalni qo‘lga kiritdi.

Joriy yilning 28 fevralidan 2 martiga qadar Toshkent dzyudo bo‘yicha “Katta dubulg‘a” tasnifiga kiruvchi turnirga mezbonlik qildi. Ushbu musobaqada O‘zbekiston terma jamoasi 1 ta oltin, 3 ta kumush va 8 ta bronza medaliga ega chiqdi. Jami 12 ta medalni qo‘lga kiritgan O‘zbekiston terma jamoasi umumjamoa hisobida 3-o‘rinni egalladi.

G‘olib va sovrindorlar:

Oltin medal:

-90 kg: Shahzodxo‘ja Sharipov

Kumush medal:

-66 kg: Zamaxshari Bekmurodov;
-70 kg: Xurshida Razzoqberdiyeva;
-81 kg: Arslonbek Tojiyev.

Bronza medal:

-60 kg: Kamoliddin Baxtiyorov;
-60 kg: Anvar Ibrohimov; 
-66 kg: Muhriddin Tilovov;
-66 kg: Artyom Shturbabin;
-73 kg: Shahram Ahadov;
-90 kg: Nurbek Murtazoyev; 
-100 kg: Ernazar Sarsenbayev; 
+100 kg: Alisher Yusupov.