Toshkentda Lixiang yo‘l chetidagi temir ustunga borib urildi
3-sahifa
−
24 dekabr 4044
Toshkent shahar Yunusobod tumanida Lixiang rusumli avtomashina yo‘l chetidagi temir ustunga to‘qnashib ketdi. Bu haqda Toshkent shahar Ichki ishlar bosh boshqarmasi Yo‘l harakati xavfsizligi boshqarmasi xabar berdi.
Qayd etilishicha, bugun, 24 dekabr kuni soat 20:10 larda Yunusobod tumani Amir Temur ko‘chasida 50 yoshli haydovchi B.A. Lixiang rusumli avtomashinasini boshqarib ketayotib, rul boshqaruvini yo‘qotgan va yo‘l chetidagi temir ustunga to‘qnashishi oqibatida yo‘l transport hodisasi sodir bo‘lgan.
YTH oqibatida haydovchiga birinchi tez tibbiy yordam ko‘rsatish maqsadida shifoxonaga olib ketilgan.
Bildirilishicha, mazkur holat yuzasidan Toshkent shahar IIBB YHXB mas’ul xodimlari tomonidan surishtiruv ishlari olib borilmoqda.
Eslatib o‘tamiz, avvalroq Toshkent shahrining Yashnobod tumanida uchta avtomobil ishtirokida yo‘l-transport hodisasi sodir bo‘lgan edi.
