Toshkentda ko‘p qavatli uydagi xonadonda yong‘in sodir bo‘ldi

3-sahifa

−

18 Noyabr 2024 visibility4576 timer1 daqiqa

Bugun, 18 noyabr kuni Toshkent shahrida joylashgan ko‘p qavatli uydagi xonadonlarning birida yong‘in sodir bo‘ldi. Bu haqda Toshkent shahar FVB xabar berdi.

"Soat 14:06 da Toshkent shahar Yakkasaroy tumani “Abdulla Qahhor” MFY, Shota Rustaveli ko‘chasida joylashgan ko‘p qavatli uydagi xonadonlarning birida yong‘in sodir bo‘layotgani to‘g‘risida Toshkent shahar FVBga xabar tushgan”, deyiladi xabarda.

Ma’lum qilinishicha, yong‘in-qutqaruv ekipajlari soat 14:12 da voqea joyiga yetib borib, yong‘in soat 14:21 da qurshab olingan va soat 14:24 da o‘chirilgan.

Yong‘in sababi va zarar miqdori aniqlanmoqda.

Eslatib o‘tamiz, oldinroq Toshkent shahrida erkak yotoq joyida tamaki mahsulotini chekishi oqibatida sodir bo‘lgan yong‘inda bir kishi halok bo‘lgandi.

Muhammad Hodiyev

Maqola muallifi