Тошкентда кўп қаватли уйдаги хонадонда ёнғин содир бўлди
Crime
−
18 November 2024 4453 1 minute
Бугун, 18 ноябрь куни Тошкент шаҳрида жойлашган кўп қаватли уйдаги хонадонларнинг бирида ёнғин содир бўлди. Бу ҳақда Тошкент шаҳар ФВБ хабар берди.
"Соат 14:06 да Тошкент шаҳар Яккасарой тумани “Абдулла Қаҳҳор” МФЙ, Шота Руставели кўчасида жойлашган кўп қаватли уйдаги хонадонларнинг бирида ёнғин содир бўлаётгани тўғрисида Тошкент шаҳар ФВБга хабар тушган”, дейилади хабарда.
Маълум қилинишича, ёнғин-қутқарув экипажлари соат 14:12 да воқеа жойига етиб бориб, ёнғин соат 14:21 да қуршаб олинган ва соат 14:24 да ўчирилган.
Ёнғин сабаби ва зарар миқдори аниқланмоқда.
Эслатиб ўтамиз, олдинроқ Тошкент шаҳрида эркак ётоқ жойида тамаки маҳсулотини чекиши оқибатида содир бўлган ёнғинда бир киши ҳалок бўлганди.
Муҳаммад Ҳодиев
Live
All
