Toshkentda qurilishdagi ishchida koronavirus aniqlandi

Jamiyat

image
image

Avvalroq, 12 iyun kuni O‘zbekistonda koronavirus qayd etilgan 128 nafar bemordan 26 nafari aholi orasida tasdiqlandi.

Sog‘liqni saqlash vazirligi Matbuot xizmati bergan ma’lumotga ko‘ra, ikki kunlik ma’lumotga ko‘ra, umumiy kasallanish ko‘rsatkichi oshgan, aholi orasida koronavirusga chalinish holati esa birmuncha kamaygan.

12 iyun kuni aholi orasida koronavirus aniqlanish holatlarini hududlar kesimida ko‘radigan bo‘lsak, Toshkent shahrida 14 nafar, Buxoro va Toshkent viloyatlarida 5 nafardan, Samarqand viloyatida esa 2 nafarni tashkil etmoqda.

Jumladan, Buxoro viloyatining Shofirkon, Jondor va Vobkent tumanlarida yashovchi fuqarolarda hamda Samarqand viloyati Urgut tumanida yashovchi 2 nafar fuqaroda ham koronavirus infeksiyasi tasdiqlangani haqida avval xabar bergan edik.

Bundan tashqari, Toshkent shahri qurilish ob’ekti ishchisida va qurilish ob’ektiga ishga kirish uchun tahlil topshirgan fuqaroda, Yunusobod tumanida yashovchi fuqaroda (tana harorati ko‘tarilgan, uy sharoitida davolangan, so‘ngra shifxonaga borib tahlil topshirgan), ushbu tumanda yashovchi yana bir fuqaro (tana harorati ko‘tarilayotganligi sababli tahlil topshirgan), Zangiota tumanida yashovchi fuqaroda (sanatoriyda yotish uchun tahlil topshirgan) koronavirus aniqlangan. Ayni paytda ushbu holatlar yuzasidan epidemiologik surishtiruv ishlari olib borilmoqda.

Ta’kidlanishicha, qayerda va kimdan kasallikni yuqtirib olganidan bexabar fuqarolar tahlil topshirganlarida koronavirusga chalinganliklarini bilishmoqda. Xorijdan kelgan fuqarolar karantinga olingani bois, ulardan kasallikning tarqalish xavfi past. 

“Lekin yurtimizda kasallikni qayerdan yuqtirib olganini bilmasdan yurganlardan kasallik tarqalish xavfi o‘ta yuqori.

Shu bois, Sog‘liqni saqlash vazirligi aholini ogohlantirishda davom etadi: karantin va sanitariya talablariga to‘liq rioya eting, zaruratsiz ko‘chaga chiqmang, ijtimoiy masofa saqlash, qo‘llarni yaxshilab qayta-qayta yuvish, ko‘chaga chiqqanda niqob taqish kabi qoidalarga qat’iy rioya etishni aslo unutmang”, deyiladi xabarda.


Maqola muallifi

Teglar

Koronavirus O'zbekistonda

Baholaganlar

254

Reyting

3

Maqolaga baho bering

Doʻstlaringiz bilan ulashing