Toshkentda Epica avtomobili yonib ketdi

Jamiyat

−

02 aprel 2019 visibility6998 timer1 daqiqa

Kecha, 1 aprel kuni Toshkentda Episa rusumli avtomobil yonib ketdi. Bu haqda Davlat yong‘in xavfsizligi xizmati xabar bermoqda.

1 aprel kuni soat 9:12 da Toshkent shahar IIBB Yong‘in xavfsizligi boshqarmasi Yong‘inni o‘chirish kuch va vositalarini boshqarish va muvofiqlashtirish markaziga Yashnobod tumani Toshkent xalqa aylana yo‘li ko‘chasi 39-uyda joylashgan AYOQSH qarshisida turgan Episa rusumli d/r 10 T 140 PA bo‘lgan avtomobil yonayotgani haqida xabar kelib tushgan.

Xabar asosida 2 ta yong‘in o‘chirish ekipajlari jalb etilgan. Bo‘linmalar soat 09:14 da voqea joyiga yetib borib, yong‘in soat 09:19 da o‘chirilgan.

Yong‘in oqibatida avtomobilning motor qismi yonib zararlangan. Tan jarohati olganlar va halok bo‘lganlar yo‘q. Yong‘inning taxminiy kelib chiqish sababi, atomobilning motor qismidagi elektr simlarida qisqa tutashuv, deb aytilmoqda.

Maqola muallifi