Toshkentda daraxt shoxi Cobalt ustiga sinib tushdi

Kecha, 25 noyabr kuni Cobalt rusumli transport vositasi ustiga qurigan daraxt shoxi tushib ketishi oqibatida haydovchi shifoxonaga olib ketildi. Bu haqda Toshkent shahar IIBB Yo‘l harakati xavfsizligi boshqarmasi xabar qildi. 

Qayd etilishicha, soat 16:30 atrofida Yakkasaroy tumani Yusuf Xos Hojib ko‘chasida Cobalt rusumli transport vositasi ustiga qurigan daraxt shoxi tushib ketgan. YTH oqibatida Cobalt transport vositasining yo‘lovchisiga birinchi tibbiy yordam ko‘rsatish maqsadida shifoxonaga olib ketilgan. 

“Ushbu holat yuzasidan Toshkent shahar IIBB YHXB hamda tuman obodonlashtirish mas’ul xodimlari tomonidan surishtiruv ishlari olib borilmoqda”, deyiladi xabarda.

Eslatib o‘tamiz, avvalroq Qo‘qonda daraxt avtomobil ustiga qulab tushgandi. Hodisa joyiga FVV qutqaruvchilari, YPX hamda boshqa tegishli tashkilotlar xodimlari yetib borib, vaziyat oqibatlari bartaraf etilgan.