Toshkentda bayram munosabati bilan ayrim ko‘chalar yopiladi
Jamiyat
−
25 dekabr 1555
Toshkent shahrida Yangi yil bayrami tadbirlari munosabati bilan ayrim ko‘chalar yopiladi. Bu haqda Toshkent shahar Ichki ishlar boshqarmasi Yo‘l harakati xavfsizligi boshqarmasi xabar berdi.
Qayd etilishicha, Toshkent shahrining Shayxontohur tumanida joylashgan Tashkent city bog‘ida o‘tkazilishi rejalashtirilgan Yangi yil bayrami tadbirlari munosabati bilan bugun, 25 dekabr kunidan 2025 yil 10 yanvar kuniga qadar Tashkent city bog‘i ichida, jumladan O‘qchi, Yangi Toshkent, Zargar ko‘chalarida transport vositalarining harakatlanishiga cheklov kiritiladi. Shu munosabat bilan haydovchilardan yondosh ko‘chalardan harakatlanish so‘raladi.
Eslatib o‘tamiz, avvalroq Toshkent shahrining Mirobod tumanidagi Taras Shevchenko ko‘chasining bir qismi bir oyga transport harakati uchun yopilishi xabar qilingan edi.
Live
Barchasi
