Toshkentda 12 ta mashina ishtirokida YTH sodir bo‘ldi
3-sahifa
−
28 aprel 2023 9607
Toshkent shahrining Yunusobod tumani KHAY - Sharof Rashidov ko‘chalari kesishgan chorrahada ommaviy yo‘l-transport hodisasi sodir bo‘ldi. Bu haqda Toshkent shahar IIBB YHXB ma’lum qildi.
Aytilishicha, kecha, 27 aprel kuni soat 13:40 larda “KamAZ”, Isuzu, Howo, “ZIL” rusumli yuk avtomashinalari hamda Lacetti, Tracker 2, Nexia 3, Epica, 2 ta Cobalt va 2 ta Spark avtomashinalari ishtirokida yo‘l-transport hodisasi sodir bo‘lgan.
Dastlabki ma’lumotlarga ko‘ra, YTHga “KamAZ” rusumli avtoulov chorrahaga yaqinlashayotgan vaqtda mashinaning tormoz tizimida nosozlik yuzaga kelgani sabab bo‘lgan.
Yo‘l-transport hodisasi oqibatida Cobalt avtomashinasidagi yo‘lovchi tan jarohati olgan. U shifoxonaga olib borilgan va birinchi yordam ko‘rsatilgan.
Holat yuzasidan Toshkent shahar IIBB YHXB mas’ul xodimlari tomonidan surishtiruv harakatlari olib borilmoqda.
Live
Barchasi
