Koronavirusga chalingan toshkentlik 32 yoshli homilador ayol vafot etdi

Jamiyat

image

Toshkentda 30 haftalik homilasi bo‘lgan 32 yoshli ayol koronavirusdan vafot etdi. Bu haqda Sog‘liqni saqlash vazirligi xabar berdi.

Toshkent shahar Sergeli tumanida yashagan 32 yoshli D.I. (ayol)da 2 iyuldan holsizlik, isitma 38 S darajagacha ko‘tarilishi, yo‘tal boshlangan va 6 iyul kuni u “Bebimed” xususiy klinikasiga murojaat qilgan. 9 iyulga qadar uy sharoitida davolangan.

9 iyuldan boshlab shahar 7-son tug‘ruq kompleksida “29 haftalik 5-homiladorlik, 4-tug‘ruq, ikki tomonlama pnevmoniya, semizlikning 2-darajasi, kamqonlik” tashxisi bilan statsionar sharoitida davolangan.

Unda “COVID-19” tasdiqlangandan so‘ng esa 17 iyul kuni shahar 3-son tug‘ruq kompleksiga o‘ta og‘ir ahvolda o‘tkazilgan. U yerda unga “COVID-19” infeksiyasining o‘ta og‘ir kechishi, ikki tomonlama pnevmoniya tashxisi qo‘yilgan. Kasallik o‘tkir nafas va yurak qon-tomir yetishmovchiligi asorati bilan kechgan. 

Bemorda 30 haftalik homiladorlik, shuningdek, asoratlangan akusherlik anamnezi, homilaning antenatal o‘limi, qandli diabet va semizlikning 2-darajasi bo‘lgan. 

Bemorning asosiy kasallik asoratlari hisobiga ahvoli keskin og‘irlashib, mutaxassislar tomonidan standart asosida o‘tkazilgan reanimatsion choralarlarga qaramay u o‘tkir respirator distress sindromi, o‘tkir nafas va yurak qon-tomir yetishmovchiligi, o‘pka shishi, poliorgan yetishmovchilikdan vafot etgan.


Maqola muallifi

Teglar

Koronavirus O'zbekistonda

Baholaganlar

401

Reyting

2.9

Maqolaga baho bering

Doʻstlaringiz bilan ulashing