Toshkent shahrining ayrim hududlarida “svet” o‘chiriladi

Bugun, 4 avgust kuni Toshkent shahrining ikki tumanida joylashgan ayrim hududlarda elektr energiyasi o‘chirib qo‘yiladi. Bu haqda “Hududiy elektr tarmoqlari” AJ Toshkent shahar filiali matbuot xizmati xabar berdi.

Aytilishicha, bugun iste’molchilarga sifatli va barqaror elektr energiyasi yetkazib berilishini ta’minlash va elektr tarmoqlaridagi avariyaviy holatlarni oldini olish, kuz-qish mavsumiga puxta tayyorgarlik ko‘rish maqsadida quyidagi manzillarda elektr ta’minoti vaqtincha uzib qo‘yiladi:

• Yangihayot tumani: “Do‘stlik” MFYning ayrim ko‘chalarida soat 09:00 dan 17:00 gacha;
• Mirzo Ulug‘bek tumani: “Ahillik” MFYning ayrim ko‘chalarida soat 10:00 dan 17:00 gacha.

“O‘z navbatida yuqoridagi hududlarda ta’mirlash ishlari belgilangan vaqtdan avvalroq yakunlanishi mumkinligini bildirib o‘tamiz”, deyiladi xabarda.

Shuningdek, xabarda “Hududiy elektr tarmoqlari” AJ Toshkent shahar filiali mazkur ta’mirlash ishlari tufayli elektr ta’minotidagi vaqtincha uzilishlar sababli yetkazilayotgan noqulayliklar uchun ushbu hududlarda yashovchilardan uzr so‘ragan.