Toshkent metrosiga yana 3 ta yangi poyezd olib kelindi
Jamiyat
−
10:55899
Bugun, 11 yanvar kuni Toshkent metropoliteniga yana yangi to‘rt vagonli 3 ta metro poyezdlari olib kelindi. Bu haqda metropoliten matbuot xizmati xabar berdi.
Qayd etilishicha, ushbu poyezdlar belgilangan yo‘riqnomaga asosan, 9-10 kun davomida texnik sinovdan o‘tkazilib, so‘ngra yo‘lovchilarga xizmat qilishi uchun yo‘nalishlarga chiqariladi. Bu vagonlar yo‘nalishlardagi vaqt intervallarini yanada qisqartirish maqsadida olib kelingan.
Ta’kidlanishicha, 2025 yil yanvar-fevral oylarida yana 6 ta metro poyezdi olib kelinishi rejalangan.
Eslatib o‘tamiz, metropoliten 2024 yil 31 dekabrda ham "Metrovagonmash" (Rossiya) zavodida ishlab chiqarilgan 3 ta poyezd olganini e’lon qilgandi. Shuningdek, o‘tgan yilning 29 may kuni ham yangi to‘rt vagonli 3 ta zamonaviy metro poyezdlari olib kelingandi.
Live
Barchasi
