Toshkent metrosidagi 8 ta vestibyul ochildi
Jamiyat
−
23 noyabr 2020
9126Toshkent metropolitenida bundan ikki oy avval yopilgan metro stansiyalaridagi 17 vestibyulning sakkiztasi yo‘lovchilar uchun ochildi. Bu haqda “Toshkent metropoliteni” unitar korxonasi ma’lum qildi.
Xabarda aytilishicha, metro bekatlaridagi 9 ta vestibyul texnik sabablariga ko‘ra yopiqligicha qolmoqda. Ular:
• "Hamid Olimjon" bekati – "NBU" banki tomonidagi vestibyul;
• "Amir Temur Xiyoboni" bekati – 50-maktab yonidagi vestibyul;
• "Mirzo Ulug‘bek" bekati – "Milliy" stadioni tarafidagi vestibyul;
• "Toshkent" bekati – Bosh pochtampt tomonidagi vestibyul;
• "Oybek" bekati – Farmatsevtika instituti tomonidagi vestibyul;
• "Kosmonavtlar" bekati – O‘zbekiston Respublikasi IIV tomonidagi vestibyul;
• "Abdulla Qodiriy" bekati – Gyote instituti yonidagi vestibyul;
• "Minor" bekati – Moliya instituti tomonidagi vestibyul;
• "Mustaqillik maydoni" bekati – "Mustaqillik maydoni" tomonidagi vestibyul.
Shu bilan birga, "Toshkent metropoliteni" UK 2020 yilning 10 dekabirigacha barcha vestibyullarning bosqichma-bosqich ochilishini ma’lum qildi.
Eslatib o‘tamiz, joriy yilning 24 cyentyabr kuni Toshkent metropoliteni bekatlaridagi 17 ta vestibyul vaqtincha yopilganligi haqida xabar bergan edik.
LiveBarchasi